- Norge gjør livet surt for polakkene!

Norge gjer livet surt for polakkane, skriv Aftenposten med krigstypar på nettutgåva si.
Det er Fellesforbundet som meinar at informasjonsmangelen er kritisk, og at det umiddelbart bør opprettast eit polsk nettfora der dei kan legge ut all nødvendig informasjon, slik at dei polske arbeidarane som kjem til Norge kan finne alt dei treng vite om skatt, bukostnader, arbeidsmiljølov og alt anna dei måtte ha behov for.

Sjølv om dette i utgangspunktet er ein idealistisk og fin ide, så må eg spørje meg litt om det har rabla heilt for Fellesforbundet her.

Greit nok, polakkane er kanskje den største innvandrargruppa til Norge akkurat no, men i følge statistikken var det drøye 7000 polakkar som flytta permanent til Norge i 2006.
For 7000 personar skal Norge altså bruke ressursar på å oversette lover, reglar, forskrifter, tolkningar og generell informasjon til polsk?

Kvar er da grensa nedad for kven som bør få informasjonen på sitt eige språk? 6000? 3000? 500? 2?

Eg flytta til Sverige i 2001, og eg fekk ikkje noko informasjon på Norsk. Eg flytta til Irland i 2004, og ikkje fekk eg noko Norsk informasjon da heller.
"Ja, men du fekk det jo på Engelsk" - kan eg høyre deg seie. Jepp. My point exactly.
The information for Sweden and Ireland is available in English, and so is the Norwegian information.

Dei 36.000 som fekk arbeidstillatelse i Norge i 2006 er ein litt anna historie. Dei er sesongarbeidarar, og formidla til arbeidsgivarar via ulike byrå og mellomledd, og her er det heilt klart arbeidsgivarar og byråa som er ansvarlege for informasjonen.

Norges Lover, med forskrifter og regulativ er tilgjengeleg fra http://www.lovdata.no/info/lawdata.html og fra departementa sine nettsider. Dei Norske ambassadane i utlandet har også mykje informasjon og linkar tilgjengelige for folk som har behov for det.

Og det er eit poeng å påpeike at den Polske ambassaden i Norge meinar at det er den enkelte sitt eige ansvar å syte for at man har den nødvendige informasjonen og kunnskapen før man flyttar.

Misforstå meg rett, det er ingen dum ide å samle all nødvendig informasjon på ein plass. Såvidt eg veit har vi alt byrja på det. NAV, Norge.no, og etterkvart dette "min side"-prosjektet er eksempel på det. Og både NAV og Norge.no er tilgjengelige på Engelsk.

Så vi har alt samla all nødvendig informasjon. Vi har gjort all nødvendig informasjon tilgjengeleg på Internett. Men vi har ikkje skreve det på polsk.

Kommentarer

Legg inn en kommentar

Populære innlegg fra denne bloggen

iPad, iPod, iDiot...

Steve Jobs har lansert sin iPad med brask og bram og atter ein gang klart å få eit Apple-produkt til å framstå som nyvinnande og trendy, medan sanninga er at det ikkje er noko nytt, ikkje er noko spesielt mykje betre enn andre produkt i samme sjanger, snarare tvert om. Men, sidan det er Apple, og har ein liten i i navnet, og kvite øyrepluggar, så får det enormt med merksemd og trendforskarane gir seg ende over i kollektiv orgasme. Det er positivt at det får merksemd, for Jobs og Apple har med eitt satt fokus på noko som har vore grovt neglisjert sidan dei første elektroniske lesebretta kom for ei tid tilbake, nemleg spørsmålet om kven som eig boka du har kjøpt. Dette har av mange blitt sett på som ein avsporing av Digital Rights Management-debatten sidan den stort sett har handla om filmar, spel og program. Men det gjeld i aller høgaste grad bøker også. Med sentralisert styring av DRM kan Jobs og Apple, eller andre, til dømes myndigheiter, ved nokre tastetrykk kunne bestemme kva som s...
Les mer

Debutantpost

Eg er slett ikkje heilt sikker på kvifor eg begir meg ut på dette, men trangen til å hive tankar ut i det store tomrommet som kalles Internet er åpenbart ei urkraft på linje med seksualdrift, menns trang til raske bilar, og ikkje minst pub-diskusjonar. Avisene er fulle av kollektiv masturbering over det eine internett-fenomenet etter det andre. Blogspots, facebooks, beebo, blink, møteplassen, gud veit kva... for ikkje å snakke om alle video-spottane. Det verkar som om verda er på full fart til helvete i ei handlevogn. I mi tid som student var eit av kriteria for å vere sosial at man faktisk MØTTE andre mennesker, at man var ute på byen, på puben, at man deltok i studie-aktivitetar og at man var AKTIV. Ikkje om man hadde ein profil på den eller den sida på internett, eller om man la alle sine fadeser ut på sidene sine. No vil sikkert kjennarar av meg påpeike at eg kastar stein i glashus her. Vi hadde eit "intranett" som vi leika oss litt med på studentblokkene der vi budde, de...
Les mer

TV2 Premier League - 6 months on.

I april var eg ganske kritisk til at TV2 hadde vunne retten til å vise Premier League, og at Canal+ var ute. Eg såg med skrekk fram mot ein kopi av fotballxtra-opplegget dei har rundt Tippeligaen, med flåsete kommentarar, studiovertar og gjester som var meir ute etter å skape kontroversar enn å faktisk gjere det dei skal, promotere og fronte "the beautiful game". Eg har eit par kamelar å svelge. TV2 har ikkje gått i denne fella. Endå. Dei har levert eit produkt som er godt på høgde med det Canal+ gjorde, dei har holdt det sakleg, undervisande og underhaldande. Gode studiogjester, og samarbeidet med Sky gjer at dei får godt bakgrunnstoff. Men dette er no. Dette er "First fix free, my friend".  Det gjenstår endå å sjå kva som blir resultatet når neste sesong skal rulle i gang. Vil dagens tre kampsponsorar Komplett, Chess og Dressmann bli til fire? Så fem? Seks? Vil studio-sekvensane i pausen krype nedover mot tippeligaens snitt på 1,08, eller enda verre, mot VM-...
Les mer